منتديات وردة المعلم
اهلا بيك عزيزي الزائر الاشتراك بالمنتدى وردة المعلم قم بالضغط على كلمة تسجيل
اهلا بيك فلقد طارت طيور الترحيب تغرد بوجودك
وتصفق باجنحنها تعلن سرورها بانظمامك معنا في هذا المنتدى الذي يتشرف بقدومك
فاتمنى ان تقطف من الورود ماشئت الذي ينفعك والذي تسقيها بما ينفعنا
ننتظر جميل حروفك وصدق نبضك الدافئ

منتديات وردة المعلم


 
الرئيسيةاليوميةس .و .جبحـثالأعضاءالمجموعاتالتسجيلدخولاحلى ملتقى الشباب العرب
ترحيب اعضاء المنتدى بالزوار القادمين &&& اهلا بيك فلقد طارت طيور  الترحيب تغرد  بوجودك وتصفق باجنحنها تعلن سرورها بانظمامك معنا في هذا المنتدى الذي يتشرف بقدومك فاتمنى ان تقطف من الورود ماشئت الذي ينفعك والذي تسقيها بما ينفعنا ننتظر جميل حروفك وصدق نبضك الدافئ

مبروك.. باسكال مشعلاني حامل وتتوحم على الشيكولاتة ****
لاميتا فرنجية: السينما المصرية رقم واحد في العالم العربي ****
نجوى كرم تغني لمصر باللهجة اللبنانية ****
صورة الفنانة كيشا على الواقيات الذكرية ****
اصغر جدة في العالم.. رومانية تبلغ من العمر 23 عاما ****
  ****  سعد الكردي ...  قرص نعناع خدك وانت هيله . الحسن بس لجنابك وانت هيله. تراب اللحد بيدك وانت هيله  .ويظل اسمك حلو وغالي عليه  اهدية الى احلى اعضاء ومدراء المنتدى
   محمد المعلم ... تسأل عليه بشوك من حسن ذاتك وأتمنى كل الناس تحمل صفاتك .. تحياتي الى احلى اعضاء 
  نوفل الهنداوي ... بعلاقتنة منو الخربط وشر بك . وجنت بيدي اوكلنك واشربك . حقد شايل علي كلبك وشر بيك . وتخالفنة وحلم نرجع سوية
  حيدر صكر ...  كوٍن آنه إْعمى عيون وإتلمس الناس ... وإبدي بحبيب إلروح من جدمه للرإْس
ايمن البابلي ... ليش الله من انطاك تنسه الوفه بساع, هم شفت طاير طار ماحط على الگاع
احمد الوحش ... قلم كلبي تداين ورقة منك .وابد ماكو بجمالك وارقى منك .اسجلك راح الاول ورقمنك . واكتب لالفته محجوز اليه
Hussain Fm ... كالو نساك و راح و اليوم انت وحداني .كلت هو شوكت تذكرني حتى اليوم ينساني  
    سمر الامورة ...  ابتسم بصمت امام من تحب فيشعر بحبك....ابتسم امام عـــــــــــــــــدوك فيشعر بضعفه... ابتسم امام من تركــــــــــــك فيشعر بغبائه.... ابتسم امام كل احد فالابتسامة تقول ما لايستطيع الكلام ان يعبر عنه

شاطر | 
 

  تعرفون بابا نؤيل ليش ميجي للعراق

اذهب الى الأسفل 
كاتب الموضوعرسالة
حيدر صكر
مشرف عام
مشرف عام
avatar

عدد المساهمات : 92
تاريخ التسجيل : 25/02/2011

مُساهمةموضوع: تعرفون بابا نؤيل ليش ميجي للعراق    السبت فبراير 26 2011, 20:00

صباحكم__مسائكم
مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء.. المهم فد
يوم (حجي نؤيل) ديباوع بخريطة العالم چان يشوف العراق.. گال: إييييي.. هذولة خطيـّة خلي أساعدهم.. المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً..

بقى تقريبا ثلاث ساعات يدوّر على بيت بي شجرة مال إكرسمس وماكو.. هناك چان يخيّطها بِبريك قوي، حتى الغراض يلي بالعربانة وگعنْ واطّشرنْ... وگام يصيح: لگيت بيت... گيــت.. نِزل بالسطح وبُقه يدوّر على فتحة مال مدخنة يفوت منها!!.. ماكو.. راد باب مفتوحة!!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.

المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع، صوت واحد يصيّح (حرامي!!!).. وعينكم ما إتشوف الاّ النور.. إشتغلتْ الطلقاتْ والبيكيسياتْ وحتى قاذفات وهاونات.. لها على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب.

والتمّت المونيكات والهمرات والحرس الوطني والشرطة

... واحد يگول شفتة لابس حزام ناسف!!.. واحد يگول العربانة مالته مفخخة. هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتل بالطريق.. وبالتحقيق محد صدّگه وكل ميفك حلگه..يجي راشدي.. وبعدين زينوه صفر وأخذوا موبايلة وچانت بجيبة أربع أوراق ونص هم أخذوهِن.. تالـي طلع بالگوّة، گالو: رجّال چبير.

رجع (بابا نويل) للبيت يلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حمار وعربانة مكسرة إجو أخذوهن الدوّارة أهل الطحين وراحوا.

ويدكهة الرجّال مشي من بغداد لبيتهم حتى فلوس كيا بجيبه ماكو وگال ويه روحه: آني أجي لبغداد بعد المهم وهو بطريق الرجعة وما يعرف شيسوي طگت يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟.. منو ماكِل باگلة زايد؟؟.. حقة ما يعرف شنو مفخخة..
وگوة فهموا شنو مفخخة.

كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه صاروخ (سِترِلّه) من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله..
عرفتو ليش ميجي للعراق
الرجوع الى أعلى الصفحة اذهب الى الأسفل
ايمن البابلي
مسؤول امن المنتدى
مسؤول امن المنتدى
avatar

عدد المساهمات : 63
تاريخ التسجيل : 27/02/2011

مُساهمةموضوع: رد: تعرفون بابا نؤيل ليش ميجي للعراق    الأربعاء مارس 09 2011, 21:25

ههههههههههههههههههههه
حقه من قدم استقاله الله يساعده
عاشت ايدك حيدوري

الرجوع الى أعلى الصفحة اذهب الى الأسفل
حيدر صكر
مشرف عام
مشرف عام
avatar

عدد المساهمات : 92
تاريخ التسجيل : 25/02/2011

مُساهمةموضوع: رد: تعرفون بابا نؤيل ليش ميجي للعراق    الخميس مارس 10 2011, 12:35

مشكور حبي على المرور
يسعدني تواجدك
الرجوع الى أعلى الصفحة اذهب الى الأسفل
 
تعرفون بابا نؤيل ليش ميجي للعراق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات وردة المعلم :: منتديات الشعر :: منتدى الشعر التحشيش ونكت-
انتقل الى: