منتديات وردة المعلم
اهلا بيك عزيزي الزائر الاشتراك بالمنتدى وردة المعلم قم بالضغط على كلمة تسجيل
اهلا بيك فلقد طارت طيور الترحيب تغرد بوجودك
وتصفق باجنحنها تعلن سرورها بانظمامك معنا في هذا المنتدى الذي يتشرف بقدومك
فاتمنى ان تقطف من الورود ماشئت الذي ينفعك والذي تسقيها بما ينفعنا
ننتظر جميل حروفك وصدق نبضك الدافئ

منتديات وردة المعلم


 
الرئيسيةاليوميةس .و .جبحـثالأعضاءالمجموعاتالتسجيلدخولاحلى ملتقى الشباب العرب
ترحيب اعضاء المنتدى بالزوار القادمين &&& اهلا بيك فلقد طارت طيور  الترحيب تغرد  بوجودك وتصفق باجنحنها تعلن سرورها بانظمامك معنا في هذا المنتدى الذي يتشرف بقدومك فاتمنى ان تقطف من الورود ماشئت الذي ينفعك والذي تسقيها بما ينفعنا ننتظر جميل حروفك وصدق نبضك الدافئ

مبروك.. باسكال مشعلاني حامل وتتوحم على الشيكولاتة ****
لاميتا فرنجية: السينما المصرية رقم واحد في العالم العربي ****
نجوى كرم تغني لمصر باللهجة اللبنانية ****
صورة الفنانة كيشا على الواقيات الذكرية ****
اصغر جدة في العالم.. رومانية تبلغ من العمر 23 عاما ****
  ****  سعد الكردي ...  قرص نعناع خدك وانت هيله . الحسن بس لجنابك وانت هيله. تراب اللحد بيدك وانت هيله  .ويظل اسمك حلو وغالي عليه  اهدية الى احلى اعضاء ومدراء المنتدى
   محمد المعلم ... تسأل عليه بشوك من حسن ذاتك وأتمنى كل الناس تحمل صفاتك .. تحياتي الى احلى اعضاء 
  نوفل الهنداوي ... بعلاقتنة منو الخربط وشر بك . وجنت بيدي اوكلنك واشربك . حقد شايل علي كلبك وشر بيك . وتخالفنة وحلم نرجع سوية
  حيدر صكر ...  كوٍن آنه إْعمى عيون وإتلمس الناس ... وإبدي بحبيب إلروح من جدمه للرإْس
ايمن البابلي ... ليش الله من انطاك تنسه الوفه بساع, هم شفت طاير طار ماحط على الگاع
احمد الوحش ... قلم كلبي تداين ورقة منك .وابد ماكو بجمالك وارقى منك .اسجلك راح الاول ورقمنك . واكتب لالفته محجوز اليه
Hussain Fm ... كالو نساك و راح و اليوم انت وحداني .كلت هو شوكت تذكرني حتى اليوم ينساني  
    سمر الامورة ...  ابتسم بصمت امام من تحب فيشعر بحبك....ابتسم امام عـــــــــــــــــدوك فيشعر بضعفه... ابتسم امام من تركــــــــــــك فيشعر بغبائه.... ابتسم امام كل احد فالابتسامة تقول ما لايستطيع الكلام ان يعبر عنه

شاطر | 
 

 ابو ذيات عراقية روووووووعة

اذهب الى الأسفل 
كاتب الموضوعرسالة
Hussain Fm
عضو نشيط
عضو نشيط
avatar

عدد المساهمات : 17
تاريخ التسجيل : 26/02/2011

مُساهمةموضوع: ابو ذيات عراقية روووووووعة   الثلاثاء مارس 01 2011, 08:00

السلام عليكم شلونكم شباب
عجبني كم ابو ذية فحبيت انقلهة الكم
اتمنى ان تنال رضاكم.
.
.
.حنضل عليه
[size=18]
.
.عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه


هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه


الج بس انتي گلبـــــــــــــــي .. ورجيته
ودمع العـــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه

رعيتك ليش گلبــــــــــك .. ما رعاني
ويهمــــك فت دليلــــــــــــــــي .. ومارعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه

هجرك يا ولف صاير بلا حد
مثل سيف اليكص ركبه بلا حد
كلتلي انتظري انه ارجع بالاحد
اجه الاحد يمته تعود اليه

احدس جين صبري وجن ولا حد
التفت وما شفت ربعي ولا حد
اشجم سبت اليمر بيه والاحد
اجي بس شوفتج تصعب عليه

لتهم بالعمر خلصان وحده
وانه ضعني سرا بالهوى وحده
حلت جنها بعيونك غير وحده
وكمت ما تسال ولا تمر بيه

غيرج ما حله بعيني ولا طاب
ولا دونج دخل كلبي ولا طاب
يجرحي وياج لا هود ولا طاب
دم ينزف ولا تدرين بيه

محبتك تجري وي روحي ويه دماي
وعليك انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه

عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه


لاتظلم دليلي اياك وياك
انه طفيتك وجف الغير وياك
صدك من علي تهد وياك
اهد وافزع وطك بثنين اديه

شكثرهم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه

عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه

صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خصرتني بسبب بطرانك عليه

امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزك لو تحط جيلات بيه

صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه

علىربعي فلا كضيت حايه
عدل ما دورت فد يوم حايه
لجن وسفه بعضهم صار حيه
ناعم ملمسه وبيه الاذيه

يامنفاركت شملي وشملاك
سمعنه والحجي يخصك وشملاك
اذا غيري وصل خدك وشملاك
حرام يبوس خد الجان اليه


كلبي ما لعب غيره لعابه
واحسن شفه لمراضي لعابه
سبحان الذي صاغه لعابه
ونفخ بيه روح حته يعم عليه

اجذب الكال عنك ومرة شفتك
العسل لسه بشفافي من رشفتك
الحذر لو ويه غيري مره شفتك
انتحر بيك واموتك بين اديه

عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه


الدنيااسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راحمنديه

الگلب ضل بس اهو وحـــده .. ورباه
يتيم وما لگه واحــــــــــــــد .. ورباه
منو المثلي أخ جرحــــــــــه .. ورباه
وكبرنه اعله القهر احنهسويه


الوادم تنظر لجسمــــــي .. يروحاي
وأنه اموتاتني سكتــــــه .. يروحاي
ليش وبالعجل طحتـــــــي .. يروحاي
خلص صبرچ يروحي وخنتي بيه

سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتىاديـــــــــــه


أمرني وألبيلك عسل بيك
عساهن بيه يفترن عسه البيك
حنضل لو ضكت خدي عسل بيك
ومن شفتك وجبه شهيه

سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية

سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه



افرح لو شفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه

كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه

اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه

اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر


تحياتي

وانه البرحي انكلب [/size
]
الرجوع الى أعلى الصفحة اذهب الى الأسفل
حيدر صكر
مشرف عام
مشرف عام
avatar

عدد المساهمات : 92
تاريخ التسجيل : 25/02/2011

مُساهمةموضوع: رد: ابو ذيات عراقية روووووووعة   الثلاثاء مارس 01 2011, 10:31

ابوذيات من اجمل ما يكون
دمت بهذا التميز والعطاء
كن بخير لنكون
الرجوع الى أعلى الصفحة اذهب الى الأسفل
 
ابو ذيات عراقية روووووووعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات وردة المعلم :: منتديات الشعر :: منتدى الشعر الشعبي-
انتقل الى: